De Altonaer Krüderfru
Ick weer boorn in een lütten Dörp in de Lüneborger
Heid. Dor weer veel Holt un Wischen. Oh, dat weer een bannig grote
Freud för mi, dor binnen to speelen. Or eenfach dor binnen
to sien. In de Neegde vun de Planten un Bööm. Wo min
Fantasie mi wiet wegdrögt hett. Wo ick mit miene Frünnen
drömen kunnt.
De Natur weer domols mien egentliche Lehrerin wesen. So weer dat
dann ok kloor, dat ich in de Afteek arbeiden do. Se nömen
mi dor „Pharmazeutisch-technische Assistentin“. In
de Afteek heff ick dann ok lange Johren arbeidet. An´n leevsten
much ik dat Handwarklige as Salven rögen, Teedrogen mengeleren
und Seep seden. Un dat ist hüüt noch so.
Na de Tied in de Afteeken güng ick dann to´n Universität
hin. In Kiel und Brasilien heff ick veel över Meere, Küsten,
Natur un Geologie lehrt.
Im Johr 2000 bün ick nah Hamborg umtöögen. Dort
heff ick ierst in de Maritime Logistik arbeidet. Un dann weer
min lütten Buttje boorn. Mittenmang vun de Öllerntied
besök ick andere Institute un Lehrmesters, wo ick Utbillungen
to de „Natur- und Umweltpädagogin“ un „Kräuterkundige“
mitmakt un bestunnen heff.
Min Arbeid is inspiriert vun Workshops bi Fred O. Donaldson (Original
Play), Joseph Cornell (Sharing Nature, Flow Learning), Wolf-Dieter
Storl or Susanne Fischer-Rizzi (Wildniswissen).
Siet 2007
beleve ick mit ünnerscheedlige Gruppen vun junge und oole
Lüüd Natur- un Krüder-Avendüer. Un siet Anfang
2010 gifft dat de „Kräuterschule Altona“, in
de dann ok de Seifenmanufaktur Altona as "slowly handmade"
övergangen is. Dörch de Zertifizierung vun Weiterbildung
Hamburg e.V. in dat Johr 2014 is de Kräuterschule Altona
een professionelle
Billungseenrichtung.
Nu leev ick al sösstein Johr in Hamborg. Un in disse grote Stadt
is de Natur jümmers noch mien Lehrmesterin. Ja, in mien Stadt
gifft dat so veel wille Natur! De Natur un ehr Krüder lad
uns dagdääglich to niege Avendüer in. Wiel se mit
uns up unserem Weg mitkamen wüllt. Se sün jümmers
för uns dor. Lat uns mol för een Ogenblick bi jem stahn
blieven. Wat vertellen se? Ehr Geschichten köönt wi
smecken, hören, ankieken, föhlen un rüken.
Siet 2014 bün ick als Billungspartnerin
för Nachhaltigkeet
anerkannt.
Diesen Text gibt es auch auf Hochdeutsch.
